ام المشكلات........بتاع الجاز

ايه الموضوع المهم ده؟..............موضوع مهم قوى لقيت نفسى عايز أكتب عنه...........موضوع فارق فى حياتنا. مش فى حياتنا بس بل مهم فى تاريخ امتنا ومستقبل اولادنا-(لواجوزنا اصلا)- ان شاء الله.
وقد اثارته السيده الفاضله – ربة الصون والعفاف – د/هبه قطب وهو الثقافه الجنسيه ,طبعا الموضوع قديم طحن وكتير من الناس اتكلموا فى الموضوع ده بس الموضوع نفسه مش اللى خلانى اهتم بيه واكتب عنه لولا مقولتها الحكيمه اللى قالتها: " لدى مجتمعنا مشاكل جنسيه كثيره والطريق لحل اى مشكله اخرى فى الحياه يبدأ بحل المشاكل الجنسيه فيما بيننا " .
وهنا حسيت ليه احنا بنعانى من مشاكل كتير فى حياتنا وعرفت الحاله الزفت لرغيف العيش وزحمة المواصلات والأسعار اللى فى السحاب والرشوه والفسادوالواسطه والمحسوبيه ومش بعيد برضه تكون ازمة الزمالك مش بسبب اللاعيبه والمدرب لكن بسبب المشاكل الجنسيه!!!!!!!!!!!!!!!!
وعلشان كده هضم صوتى لصوت هبه ونطالب بحل المشاكل دى كويكلى واتهيألى ان جميع المشاكل هتتحل وبدات احلم بعيشه حلوه ومحدش هينام من غيرعشا . عشا ايه ؟؟؟ دا كل واحد يكون ساكن فى شقه بالشئ الفلانى وراكب عربيته الفرارى ومعاه الللاب توب بتاعه ومفيش اى مشكله فى الحياة والشباب هيتجوز بدرى وهنبقى من الدول المتحضرة وممكن نكون دوله عظمى كمان !!!!!!!!!!!!!!!!
واكيد هلعب جولف , وهيكون من حق كل مواطن انه يلعب جولف وتنس كمان ماهو هيبقى مشترك فى النادى الجزيرة ولا الصيد .
وممكن اشوف الزمالك واخد الدورى مرة قبل ما اموت , والاعضاء يبطلو ضرب فى بعض .
الكلام ده قولته لصحابى وكل اللى اعرفهم علشان اساهم فى حل المشكله دى . بس لما كلمت صحبى مهندس/ فريد بتاع الجاز برضه قالى " يا ابنى مين اللى قالك ان احنا عندنا مشاكل جنسيه اصلا ؟؟ دا احنا لو حلينا المشاكل دى هتبقى عيشتنا جحيم . دا احنا بالمشكلات دى 80 مليون واحد وبنزيد مليون ونص كل سنه بالمشكلات , امال لما نحلها ايه اللى هيحصل ؟؟ تخيل لو حصل الكلام ده هنبقى كام ؟؟ وبعدين احنا رجالتنا ميه ميه ومعندهمش اى مشاكل بالذات الجنسيه دى دا احنا معروفين من ايام الفراعنه يا ابنى وشهرتنا وصلت للسحاب . سيبك من الكلام ده وروح شوفك فلم ثقافى هيدويك ويرجعلك عقلك , وهيحللك مشاكلك الجنسيه " .
سيبته وانا نفسى مسدودة وعرفت ان مفيش امل ان اى حاجه تتصلح , لا المشكلات الجنسيه ولا الغير الجنسيه حتى ... ولا حتى مشكله الزمالك .