اصحاب ولا بزنس.....بتاع الجاز

وانا قاعد مع نفسى كده فى لحظه تجلى افتكرت اصحابى فى البلد اللى بعتبرهم حته منى بسيبها فى وانا مسافر رايح الكليه , افتكرت كل واحد منهم وافتكرت لحظات كتير قوى عشناها مع بعض ,وعرفت ان مهما الانسان كان ليه اصحاب واصدقاء, فيه ناس معينه بس هيه اللى انت بتفتقدها أ وتتمنى تقعد معاهم لحظه , احنا شله اصحاب عجيبه فعلا , توليفه من الصعب ان تجدها فى اى مكان ,توليفه تجد فيها الدكتور والمهندس والاستاذ والمحاسب وابو السيد وتجد فيها جميع الاعمار ,يعنى كوكتيل عجيب!!!!!!!. ولكن تجمعنا بعض الهوايات مثل "المشى, ودى اهم هوايه بنمارسها كل يوم" و" غناء اغنيه من غير ليه لعبد الوهاب بنمارسها اثناء المشى برضه"و اهم الهوايات هى ان احنا نتريق على بعض ودى برضه بنمارسها اثناء المشى" لحد ما معاد البونات......اقصد العشا يجى اروح اتعشى وانام .انا بقه وصحابى دول اللى بنكتب مدونة احنا ولاد النهارده يا ريت تزوروها. انا بسلم عليهم واحد واحد وبقولهم انا راجعلكم لانكم بجد وحشتونى.
والسلام ختام