من زمان وانا بلاحظ العملية دي
الآيات القرآنية في كل مكان شيء جميل
ولكن أن يكتب سعيد الفكهاني
وفاكهة مما يتخيرون
وعم عبده الفرارجي
ولحم طير مما يشتهون
وسيد بتاع الكشري
كلوا واشربوا هنيئا بما أسلفتم في الأيام الخالية
وعند افتتاح أي محل
إنا فتحنا لك فتحا مبينا
وهاني القهوجي كتب على يافطة القهوة
وسقاهم ربهم شرابا طهورا
مش ناقص بقى غير ييجي بتاع الرقيق يكتب
وحور عين كأمثال اللؤلؤ المكنون
دي حاجة تخنق بجد ...
وللحوار بقيه
10 comments:
لو على الحاجات اللي تخنق كتير
الناس بتتعامل مع الموضع كانه وسيلة لدرء الحسد
او يقولك علشان ربنا يبارك
زي الحرامي وتجار الصنف القوى العاملة في شارع الهرم لما يدعوا ربنا انه يعينهم ويسترها معاهم في بداية كل شغل جديد
خلي نفسك طويل
واضح نك محتاج يتعمل لك عمرة
صحيح انت كاتب ايه في اليافطة اللي على باب الورشة
ما بقولك ان بتاع الجاز سافر خلاص انا محتاج عمرة ... وبالنسبه للورشه انا كاتب ""قل اعوذ برب الناس "" علشان العين وحشه
قال تعالى :
" إنه لقرآن كريم * في كتاب مكنون * لا يمسه الا المطهرون * تنزيل من رب العالمين *"
صدق الله العظيم
القرآن الكريم له قدسيته الخاصة.
أنزله الله عز وجل ليكون منهج حياة.
احسنت في اختيار تناول الفكرة , لكن الاسلوب محتاج لصياغة افضل.
العنوان محتاج تغيير.
______________________
مش ناقص بقى غير ييجي بتاع الرقيق يكتب وحور عين كأمثال اللؤلؤ المكنون دي حاجة تخنق بجد ...
المفروض ما كنتش تكتب حاجه زي كدا ,
اذا كان الفكهاني او القهوجي او غيره كتب حاجه زي كدا وانت انتقدتهم فانت جبت مثال مش موجود واسئت في التعبير.
..........................
وربنا يوفقك
mlame7.blogspot.com
اولا بعتذر ان كنت اسات فى التعبير بس انا ما بحبش ان القران يستخدم فى اغراض شخصيه امال لما تقرا بقيه المقال هتكتب ايه ؟؟ كده ممكن ما نزلش بقيته وشكرا على النقد والتوجيه
أستغفر الله
القرآن الكريم له قدسيته ومعانيه
أستغرب منهم وبشدة
,,
أشكركم على هذا الطرح الجيد
والممتاز
ما لاما الناس دى مش فاهمين لاما بيستعبطو
عندك حل تانى
حاجه تزعل بجد ان الناس بقت تتعامل مع ايات القران على انها يفط وايات للبركه ونسيه المعنى الاساسسى وقدسيه القران
والله معاك في المهذلةدي....
وايه الكلام ده رسمي...يكتب لكوانتم في مطارمصر وعلى الطريق الخارج منه ..."ادخلوا مصر انشاءالله آمنين..." طب خليهم دلوقتي يدخلوها كده ويشوفوا...والله دي ايام سودا..
والله التسميةمذاج...
جزارةالرحمن والله في جزارة للرحمن... يااخي دا اسم منفر جداًولا حووشي المصطفى ....طب من امتى....؟؟
المهم...المهم "عبده" ميفتحش ورشةيسميها ورشة المختار وسلم لي عليه...!!
لا اله الا الله
انا كمان من زمان بلاحظ
نعمل ايه طيب؟؟
هه؟؟
اليفط دى ارحم من النوعيه التانيه
مصر مبارك
معك حتى اخر العمر
الرئيس الذى لايقهر
مبارك صانع حضارة مصر
مبارك قاهر الصليبين والمجوس والهكسوس والناموس
Post a Comment