ادينى رضعه لو سمحت......بتاع الجاز

يوم الخميس اللى فات كان عندى امتحان خرجت من الامتحان روحت نمت , اول ما صحيت لقيت صحابى فوق دماغى بيقولولى يلا نخرج, قلت ماشى اهو الواحد يفك عن نفسه شويه_مع انى فاكك طول السنه_ المهم روحنا وقعدنا فى كافتيريا على النيل مسكت القايمه معرفتش ولا اسم من المشروبات اللى موجوده فى القايمه,فخفخينا,بهرجه ,بهججه................الخ
اللى زاد وغطى لقيت قسم الرضعات مكتوب فى القايمه قولت يا لهوى فى ستات بترضع هنا ولا ايه!!!!!! بينى وبينكوا فرحت وكنت لسه هاطلب , لكن فوجئت بأسماء الرضعات"رضعة اسد, رضعت فيل, رضعت نمر, رضعت قرد!!!!!!!!!!!" قولت حتى القرد ليه رضعه
قولت ياد جرب شوف الحيوانات دى بترضع ايه؟ وبالفعل اخترت رضعة الفيل على اساس ان المشروب هيتناسب مع حجم الفيل!!!!!,وبالذات ان اسعار الرضعات غاليه
وناديت على الجرسون قولتله رضعة فيل لو سمحت
وانتظرت
وكلى ترقب
وانتظرت........... كتيرا
حتى اتى لى بالمشروب الرهيب
لا اصدق
انه حليب بالشيكولاته
لا اصدق
ورضعة القرد اللى طلبها المهندس فريد طلعت مووووووز بالبن
والاسد مانجه
يا ريتنى قعدت على اى قهوه وطلبت سحلب بجنيه !!واحد